Ne skaičē, katrėi ruoda žmuogaus metus, gīvenėmė īr svarbiausė, vo tuo žmuogaus žuodē, darbā ėr mintis. Tik tas pasaka vėsa tėisa aple žmuogo. Tik tas palėikt kėtū atmintie.  

Ta, sveikindamė riktinga vīra – teisėninka, dėpluomata, ambasaduorio, bovosi Lietuvuos Respublikas ožsėinė rēkalū ministra, Vītauta Dėdiuojė universiteta (2014 m.) ėr Urbina universiteta (Italėjė, 2017 m.) garbies daktara, vėsuomenės ėr puolitikas veikieji, Skouda garbies pilieti – Ušacki Vīgauda so jubiliejo, anam tuo ėr linkam – žuodēs, mintimis ėr darbās vėsėms laikams palėktė kėtū atmintie ėr šėrdie.  

Dėdžioujemuos, ka Skouda rajuona savėvaldībės R. Granauskė vėišuoji ėšsėskėr ėš vėsū Lietuvuos bėbliuoteku – tor tuo glaunė žmuogaus dėpluomatėnė bėbliuoteka. Anuo – 330 kningu (ėš katrū 160 so autuoriu parašās), 21 valstībėnė ordina ėr atmėnėma medalė kuolekcėjės, portėgrapiju, duovėnū, paveikslu. Ta baguota ekspuozicėjė ruoda, kuoks žėnuoms ėr svarbos tas žmuogos īr ne tik Skoudou, ėš katruo īr kėlės, bet ėr vėsā Lietovā.  

Nuognē diekingė esam Tamistā, puons Vīgaudā, ož draugīstė ėr tėkamuos, ka ana nenotrūks!..  

Skouda rajuona savėvaldībės R. Granauskė vėišuoji bėbliuoteka