Lėipas 13 dėina Žemaitiu vėinībės dėinuos pruogo Skouda parka saluo vīka jau tradicėnio vadėnams kantri mozėkas festivalis „Skouda sala“. Švėntė paskėrta Žemaitiu krašta amatū, kulėnarėnė pavelda ė žemaitėška rašta metams pamėnavuotė. Rėngini apmuokiejė Skouda rajuona savėvaldībė, organizava Skouda žemaitiu draugėjė ė Skouda rajuona savėvaldībės Granauskė R. vėišuoji bėbliuoteka so partnerēs.

 

Švėntės vediejės Mackevičiūtė Živilė ė Ragauskaitė Dalītė pruograma pradiejė so naujuos kūrības žemaitėško daino.

 

I festivali atvīkosius žmuonis pasveikėna Skouda rajuona savėvaldībės administracėjės dėrektuorė Staniuvienė Levutė.

 

Skouda žemaitiu draugėjės pėrmininks Grušos Juons iteikė Bernuotienē Rasā apduovėnuojėma „Kėitiausis Skouda žemaitis“.

 

Nuotaikinguoms ė šėltuoms sava žemaitėškuoms dainuoms dalėnuos anū autuorios ėr atliekies Jokubauskis Gedimins. Sava kūrybas dainas dainiava bruolē Vaičkā. Kantri mozėkas „sūno“ pramints Anbrazevičios Gītis ė smoikėninks Vaicekauskis Paulios pasėdalėna vėsuokė stiliaus mozėko, vo smarkiau pajodietė švėntės dalīvius privertė vėsėms senē žėnuoma gropė „Juonis“.

 

Festivalie pasėruodė dėdėlis būrīs šuokieju: Gargždū kantri lėnėjėniu šuokiu klubs „Gargždė“ (vad. Malūnavičienė Giedrė), Skouda Tretiuojė omžiaus universiteta šuokiu kolektīvs „Viejūnė“ (vad. Dapšauskienė Nijuolė).

 

I festivali atvažiava MCC baikeriu kluba „Ašvėnē“ narē.

 

Švėntie bova verdama skani žovīnė, galiejuom pakaštavuotė sūrė, kastėnė. Bova vedamas edukacėjės, sportėnės varžības, vīka torgielis, netrūka pramuogū ė vākams.

Krietni padiekavuonė švėntės partnerems ė riemiejems:

Skouda rajuona kultūras cėntros;

Skouda socialėniu paslaugū šeimā cėntros;

Skouda krašta bėndruomenė;

Skouda rajuona savėvaldībės kūna kultūras ė sporta cėntros;

Skouda atvėrs jaunima cėntros;

Asociacėjė „Rukū masals“;

Skouda rajuona savėvaldībė;

Skouda seniūnėjė;

Skouda Tretiuojė omžiaus universitets.

Reliuga Algis, Rėdėks Juons.

 

LIETUVIŠKAI

Liepos 13 d. Žemaičių vienybės dienos proga Skuodo parko saloje vyko jau tradiciniu tapęs, kantri muzikos festivalis ,,Skouda sala“. Šventė skirta Žemaičių krašto amatų, kulinarinio paveldo ir žemaitiško rašto metams paminėti. Renginį finansavo Skuodo rajono savivaldybė, o jį organizavo Skuodo žemaičių draugija ir Skuodo rajono savivaldybės R. Granausko viešoji biblioteka su partneriais.

 

Šventės vedėjos Ž. Mackevičiūtė ir D. Ragauskaitė startavo su naujos kūrybos žemaitiška daina.

 

Į kantri muzikos festivalį atvykusius sveikino Skuodo rajono savivaldybės administracijos direktorė Levutė Staniuvienė.

 

Šventės metu Skuodo žemaičių draugijos pirmininkas Jonas Grušas įteikė Rasai Bernotienei apdovanojimą „Kiečiausias Skuodo žemaitis“.

 

Savo nuotaikingomis ir šiltomis dainomis dalinosi žemaitiškų dainų autorius ir atlikėjas Gediminas Jokubauskas. Festivalyje savo kūrybos dainas dovanojo broliai Vaičkai. Kantri muzikos ,,sūnumi“ vadinamas Gytis Ambrazevičius kartu su smuikininku Pauliumi Vaicekausku dalinosi įvairia muzika. Šventės dalyvius pajudėti privertė populiari grupė „Jonis“.

 

Festivalio metu pasirodė didžiulis būrys šokėjų:

Gargždų kantri linijinių šokių klubas „Gargždė“ (vad. Giedrė Malūnavičienė);

Skuodo Trečiojo Amžiaus Universiteto šokių kolektyvas ,,Vėjūnė“ (vad. Nijolė Dapšauskienė).

 

Į šventę atvyko ir MCC baikerių klubo „Ašvėnē“ nariai.

 

Buvo verdama gardi žuvienė, buvo galima skanauti sūrių, kastinio. Vyko edukacijos, įvairios sportinės varžybos, mugė, netrūko pramogų vaikams.

 

Nuoširdžiai dėkojame šventės partneriams ir rėmėjams:

Skuodo rajono kultūros centras;

Skuodo socialinių paslaugų šeimai centras;

Skuodo krašto bendruomenė;

Skuodo rajono savivaldybės kūno kultūros ir sporto centras;

Skuodo atviras jaunimo centras;

Asociacija „Rukū masals“;

Skuodo rajono savivaldybė;

Skuodo seniūnija;

Skuodo trečiojo amžiaus universitetas.

Algis Reliuga, Jonas Ridikas.